Pumpegris

Pumpegris spelar folkemusikk slik ho kanskje alltid har vore meint: dansande, drivande, og med ein fot solid planta i notida. Her møtest slåtter og rap, kveding og fuzzgitar, i eit uttrykk som både kjennest kjent og nytt.

Vokalist Vera Sonne vekslar uanstrengt mellom det sårbare og det skrå, frå kveding til rap, medan bandet hentar inspirasjon frå alt frå funk og shoegaze til visepop og hiphop. Resultatet er tett, groovy og med tydeleg nerve.

Debutalbumet Fritids, produsert av Tuva Syvertsen, bind saman kulturarv og samtid på ein måte som treff både på scena og i øyra.

Pumpegris er komne for å spreie den norske folkemusikken med fest og faenskap, nett slik han oppstod.

Kort sagt: Tradisjon i rørsle, med driv, snert og ein god dose speleglede.