KVAR I VIDE VERDI ER VINJE ?

Vinje ligg nett der du trur det ligg: i tjukkaste Telemark, midt mellom dei største byane i Sør-Noreg, tett på naturen.

Gauken blir arrangert på og ved kulturhuset Vinjar - berre eit mjølkespannkast frå E134, ein av dei viktigaste og eldste ferdselsårene mellom aust og vest i landet. Festivalcampen ligg tett på sjølve festivalområdet, og det finst private overnattingsmoglegheiter i nærområdet. Sjekk til dømes Airbnb eller ta kontakt med nokon du kjenner (eller vil bli kjend med). For tilreisande er det òg mogleg å bu på ei rekkje campingplassar og hotell i nærleiken (sjå lenkjer lenger ned på sida). Det vil bli sett opp bussar til og frå festivalområdet, så dette kan vera eit godt alternativ for festivalgjester som ønskjer ei meir roleg og komfortabel festivalhelg.

  • Frå Oslo, Bergen og Haugesund går Haukeliekspressen fleire gonger dagleg. Det er berre å stige av halvvegs på reisa: i Vinje.

    Ein kan òg ta tog til Bø i Telemark og buss vidare derfrå. Sjekk i så fall entur.no for oppdaterte ruter og tidtabellar.

    Festivalbussar vil gå til og frå knutepunkt i området (Dalen, Vågslid-Edland, Vierli-Rauland). Kort sagt: det skal vere enkelt å ta turen, enten du kjem frå Bergen, Oslo eller bak ein fjellknaus.

  • Festivalcampen ligg berre ei hårsbreidd frå scena, og det finst både private og profesjonelle overnattingsmoglegheiter i nærområdet.

  • Godt spørsmål! Den superlokale Vinjebue ligg så kloss på festivalområdet som det er mogleg å koma i Vinje. Større butikkar ligg i Edland/Haukeli mot vest og i Åmot mot aust. I Åmot finst òg eit av landets hyggelegaste vinmonopol.

  • Ja! Meir om dette kjem, skriv deg opp på e-postlista om du ynskjer oppdateringar frå festivalområdet og festivalprogrammet :)

  • Jau visst! I Vinje er det husrom for både folk og fant – sjekk lenkjene under, eller søk på Airbnb om du vil bu som ein lokal.