Adama Janlo er ei stadig mindre skjult perle med internasjonalt potensial, og kanskje den mest kraftfulle og energiske soulstemma du nokon gong har opplevd. Den utselde albumslippkonserten for A Free Woman stadfesta endå ein gong at ho er ein artist på veg mot noko stort.

Dazepopens yppersteprestar kjem til Gauken for å gjere det dei kan best av alle: å sleppe seg laus og lage show så Vinjevatn rister.

Kenneth Lien & Center of the Universe byr på råtøff og framoverlent folkemusikk frå dei aller beste og mest kreative i klassen!

Frå Senegal via Danmark kjem eit av dei verkeleg energiske høgdepunkta denne sommaren! Modu and the Shakers har alt før si første utgiving rukke å bli ei vestafrikansk drivkraft på musikkscena i grannelandet.

Sinsenfist leverer kompromisslaus gangster-rap med glimt i auget, ispedd femstemt song, funk og vaibing. Noregs kanskje aller beste hiphop-band skal få Gauken til å lette!

Legenden frå Ørsta tek seg eit avbrekk frå klubbscenene i Køben, Berlin, Hongkong og Tokyo for å løfte taket på Vinjar.

Nasjonalskatten frå Morgedal er sjølvskiven på GAUKEN-plakaten. Me gler oss!

Ævestaden (NO/SE) lagar moderne folkemusikk, med lange koralar, moderne tekstar, poplåtar og eit ljodbilet som verken er redd for det klare, skitne, elektroniske eller tradisjonelle.