DJ SISSYFUS (Grendehouse set)

DJ Sissyfus er kanskje den DJ-en i Noreg som har gått lengst i å utforske folkemusikken, mellom anna som fast DJ for Tuvas Blodklubb. Med bakgrunn frå elektronisk musikk og internasjonal folkemusikk har han etter kvart vendt nasen heimover, og skapt remixar og miksteipar med utgangspunkt i norsk tradisjonsmusikk.

Som artist har han gjeve ut ei rekkje album og remixar, både på sitt eige plateselskap Metronomicon Audio og saman med Kenneth Lien. På Gauken tek han med seg eit heilt spesielt Grendehouse-set, der bygdedansen glir saumlaust over i klubbkvelden.